Dalka Turkiga waxaa ku sugan wafdi uu hogaaminayao
madaxweyne Maxamed Cabdulaahi Farmaajo. Wafdiga soomalida waxay
heshiisyo cusub wada gaareen dowlada Turkiga. Waxaa sidoo kale la sii
xoojiyay heshiisyo horay labada dowladood u dhexmaray.
Safarka
wafdiga soomaalida iyo heshiisyadaasiba waxaan ka waraysanay Cabdinuur
Maxamed oo ah madaxa xafiiska warfaafinta ee madaxtooyada soomaliya.
Wuxuuna khadka teleefoonka ugu waramay weriyaha BBC-da Bashir Maxamed Caato.
Halkan ka akhriso: http://www.bbc.com/somali/war-39729098
Sunday, April 30, 2017
Saturday, April 29, 2017
Islaamiistihii Dilaaga Ahaa!
Waxaa la geeyay, lagana soo diiwaan galiyey Kolleejo ey maamusho hey’ad Carbeed, oo ka mid aheyd heyadaha samafalka u joogay waddanka Soomaaliya, sida ay astaanteedu ahayd. Halkaas ayuu waxuu ku bilaabay in uu barto manhajka Salafiga ah, ee ku salaysan aragtida Wahaabiyada, isaga oo aad u xifdiyey buugaagta (dhiganayaasha) ey qoreen ragga faafiya aragtida Wahaabiyada iyo kitaabbada saldhigga u ah, sida; kuwii uu qoray wadaadkii la oran jiray Ibnu Taymiya, iyo qaar ka mid ah ragga ku abtirsada mad’habta Xambaliyada.
Guuleed shan sano ka dib, waxuu iska baddelay magaciisii, waxuuna u baddelay “Asadullaah” oo macnaheedu yahay “Libaaxii Eebbe” (Geesigii Eebe). Caro iyo ciil ayaa ka guuxayey maskaxdiisa, bulshadana waxuu ka qaatay muuqaal aad u qaldan, isaga oo isu haysata in uu ku dhex noolyahay bulsho gaalowday, una baahan in ay dib ugu soo laabato Tawxiidka iyo dhaqanka suubban ee Islaamka, sida ey isaga la tahay, taas oo ay ku sii dhalisay markii uu aqristay buuggii uu qoray wadaadkii Masriga ahaa “Sayid Qudbi” ee la magac baxay “Macaalim Fiddariiq”.
Asadullaahi wuxuu billaabay in uu tababbar ku qaato duleedka magaaladii uu dagnaa. Waxuu la kulmay rag Soomaali ah oo sokeeye uu ka dhigtay, iyo kuwa shisheeya ah, oo uu ka jeclaaday markii dambe dadka kuwii u xigay, (Waalid iyo qaraabo). Raggaas oo agtiisa ka ahaa Halyeeyo, waxay tuseen fal iyo farsamo ah sidii uu ugu rogi lahaa aqoontii uu soo bartay iyo buugaagtii uu indhaha ku kala qaaday waxii ku qornaa, waxayna ku abaabbiyeen qaabkii uu ku dhaqan-galin lahaa waxa uu ku taamaayay habeen iyo maaliba.
Subax kasta waxuu tababar u aad jiray bannaanka magaalada, isagoo samayn jiray, bootinta, oradka, fuulidda fardaha, tafidda buuraha, ka boodidda dabka, koridda darbiyada, adeegsiga hubka nuucyadiisa kala duwan iyo furfiriddiisa, adeegsiga bistooladaha nuucyada ugu casrisan, gaar ahaan kuwa aan dhawaqa bixin. Laylin dheer ka dib, markii la hubsaday in uu yahay mahlig weyn, oo aan nixin, jiir damqin, lahayanna dabaci iyo il naxariiseed, ayaa waxaa loo xil-saaray in uu unko dhallinyaro isaga oo kale noqota, hawshooduna tahay fulinta dilalka qaarijinta, toogashada iyo howlgallada abaabulan, ee aadka looga soo shaqeeyay.
Asadullaahi Wuxuu bilaabay in uu toos u qaato amarka Amiirrada ka sarreeya, loona diro qofkii loo baahdo in laga taqalluso. Isagu “Asadullaahi” waa nin dhaga fudud, wax yar hadla, wax badanna qabta. Aad iyo aad ayuu ugu farxay markii loo magacaabay darajadaas weynaanta badan, oo ah waxii uu ku hamminaayay muddo dheer. Wuxuu gudagalay in uu dilo shaqsiyaad muhiim u ah bulshada, macallimiin, takhaatiir, injineerro, waxgarad, aqoonyahanno, maamuleyaal, oday dhaqameed, saraakiil ciidan, iyo kuwa wax galka u ah bulshada, kuwaas oo loo fara fiiqay oo kaliya, isaga oon garanayn waxa uu ku dilayo iyo qofka uu yahay.
Marka uu qof soo dilo, waxay ahayd marka qura ee farxad iyo guul wajigiisa laga garto, lagana aqrin karo dareenkiisa. Inta kale, wuxuu ahaa waji-macbuus xirxiran, waliba inta uusan falka gaysan iyo ka dibba. Markii uu ku guulaysto hawlgalka qaarijinta ah ee loo xilsaaray, wuxuu ku ducaysan jiray erayo dhaadheer oo af Carabi ah, macnahoodana uusan si qumman u aqoon, marka laga reebo inuu korka ka xifdisan yahay iyo in lagu yiri xilligaa ayaa la aqristaa. Dilalka nucaan ah waxuu fulin jiray xilliga Salaadda la aado, maalinta Jumcaha ah, habeenkii iyo xilliyada shaqada laga soo laabto, ama laga soo kala dareero goobaha waxbarashada. Qof kasta oo uu dilaayana wuu hubsan jiray in uu dhintay, naftuna ka baxday, haba ku qasabto taasi in uu qofka dhaawacma, tiro ama xabbado inta la dul yimaad uu ku faaruqiyo qasnaddiisa.
Dilal fara badan ka bacdi, Asadullaah waxa uu noqday dilaa xirfad yaqaan ah, aadna loogu aamino hawlaha sirta ah ee laga fuliyo dhammaan Soomaaliya, Waqooyi iyo Koonfurba. Waxuu gudagalay in uu xirfaddaan baro dhallinyaro sidiisa oo kale harraad u qabta shaqadaan. Wuxuu heli jiray wax kasta oo uu u baahdo hiil iyo hooba, meeshuu tagaba si sahlan oo aan dhib lahayn ayaa loogu soo dhaweyn jiray, taas oo isaga qudhiisu uusan ogayn cidda isku sii dubbaridaysa, mana ahan in uu ogaado muhiim.
Wiilkaan oo noqday Islaamiiste dilaa ah, oo si hagar bax leh u fuliya awaamirta muqaddaska u ah ee madaxdiisa sare, heer wuxuu gaaray uu codsaday dhawr mar in uu noqdo ismiidaamiye, naftiisa u hura sara u qaadidda oraahda Eebbe, balse, laga diiday codsigiisa. Wuxuu habeen kasta ku riyoon jiray isaga oo shahiiday oo dhiig ku dhexjira, shirifka dhiigaasuna uu miskiga ka caraf badanyahay, dhax muquuranayana Jannatul Fardawsa, iyo gabdhihii Xuurul Caynta ahaa, wabiyaal qamri iyo caano ah, taas oo markii waagu u baryo uu maalin kasta ka sheekayn jiray isaga oo ilmaynaya, kana ciil qaba sida loogu diiddan yahay isqarxinta, looguna soo koobay shaqadiisa dilalka abbaabbulan oo kaliyah.
Asadullaah wuxuu indhaguduudin iyo salaan qasab ah ku soo gali jiray mar marka qaar guriga qoyskiisu ku noolyihiin, cidda oo dhanna way ka cabsan jireen, ugu dambaytiina wuxuu helay fursad qaali ah oo loogu soo bandhigay in uu noqdo Shahiidka toddobaadkaan. Wuxuu ku qayla dhaamiyey erayga Allaahu Akbar, taas oo uga dhigan inuu helay mirihii guusha. Maalin taas oo dhan waxuu u taagnaay salaad iyo sagootinta asxaabtiisa, isdiyaarinta iyo qaabkii uu u waji lahaa gabagabada nolashaan adduunyo ee liidata, una aadi lahaa meeshii loo yaboohay ragga nuuciisa oo kala ah (Al-jannah), waa sida ka dhaadhacsaneed isagee, lagana dhaadhiciyey in badan oo isaga la mid ah.
Saaxiibbadiis qaarkood way ka xumaayeen meesha cidlada ah ee uu uga tagay saxiibkoodii qaaliga ahaa, wuxuuna is ku qarxiyay goob dad iyo duunyaba joogeen, isaga oo salfaday masuuliyiin kooban, dad rayad ah, iyo duunyo kalaba, jirkiisuna cad cad u googgo’ay, dardaarankiisu waxuu ahaa inta uusan dhiman ka hor “Ka soo taga dunidaan dulliga ah, ha na ka soo taginnina idinkoon wax uun ka nusqaamin gaalada iyo murtaddiinta” iyo erayo badan oo uu ka dhaxlay raggii uu tubtooda qaaday sida maalqabeenkii Sacuudiyaanka ahaa “Usama Bin Laadin” iyo dagaal yahankii reer Falastiin “Cabdalla Casaam”.
Dil qiil leh, qarax Aayad ku daabban, qaarijin Xadiis huwan iyo cabburin qofka ay dhaqan iyo u tahay caado, haddana, diin iyo sheeganaya shareeco, marka laga yimaad in uu dantiisa gaarka ah huwinayo wax muqaddas ah, waxay shaki la’aan muujinaysaa, sida dad badan ugu qatalmeen ama ugu qaldameen sheeko nacaseedka ubadka, dhallaanka, da’yarta iyo dhallinyarada lagu dabargoynayo, ee loogu halligayo tuba an toosnayn.
W/Q: Qoraa Cabdicasiis Maxamad Shidane.
Shidane05@hotmail.com.
Ma dhabbaa in Salafiyiintu ay ka duwan yihiin Shabaab iyo Daacish?
Laakiin xaqiiqada biyo kama dhibcaanka ahi waxay tahay in fikirka Salafigu uu yahay kan dhalay ururrada xagjirka ah, ilaa iyo haddana faafiya isla afkaarta nacaybka iyo gaalaysiinta ku dhisan ee xagjiriintu ay ka duulaan.
Tusaale ahaan, marka isbarbardhig fudud lagu sameeyo afkaarta ururradaan xagjirka ah iyo kuwa Salafiga waxaan ogaanaynaa;
- Afkaarta Al-Qaacido, Daacish iyo Al-Shabaab ay ka duulaan waa kuwo ay ka soo xigtaan Ibnu Taymiyah iyo Maxamed bin Cabdiwahaab waana isla afkaarta uu ku qotomo fikirka Salafigu. Daacishna waxay isku metalaan dowladdooda iyo dowladdii Sacuudiga ee 1-aad, waxayna sheegaan in hoggaamiyahooda Abuu Bakar al-Baqdaadi uu ku taagan yahay waddadii Shiikh Maxamed bin Cabdiwahaab[ii].Waxaana jira warbixinno sheegaya in Daacish deegaannada ay qabsadaan ay ku faafiyaan afkaartii iyo qoraallada Shiikh Maxamed bin Cabdiwahaab iyo ardaydiisa ay ugu caansan yihiin Ibnu Bishir[iii] iyo Ibnu Ganaam[iv].
- Marka laga yimaado culumadaas hore, ururrada xagjirku waxay adeegsadeen qoraallada ragga ay ka midka yihiin Cabdalla Casaam, Abuu Muxamed al-Maqdasi, Bin Laadin, Eyman Adawaahiri, Abuu Muscab Asarqaawi iyo qaar kale oo ka mid ah ragga loogu yeero Salafiyada jihaad doonka ah. Dhab ahaantiina, Salafiyiintu inkasta oo ay mararka qaarkood isku dayaan in ay raggaan iska dheereeyaan, haddana si run ah uma dhaleecayn karaan afkaarta raggaan, waayo waxay ogyihiin in doodda raggaani ay ku qotonto dhaxalka dhabta ah ee fikirka Salafigu uu ku taagan yahay, haddii afkaartooda si dhab ah loo dhaleeceeyana uu fikirka Salafiga oo dhammi si fudud ku dumayo.
- Al-Shabaab iyo Daacish waxay ka duulaan caqiidada ama mabda’a ay ugu yeeraan “Taageeridda iyo Colaadinta” (=Loyalty and Enmity/الولاء والبراء), oo ah mabda’a dadka iyo dunidaba u qaybiya labo teendho ama labo guri oo aan shaqo isku lahayn, oo kala ah teendho muslim iyo mid gaalo. Caqiidada walaha iyo barahuna waa mid tiirdhexaad u ah fikirka Salafiga, ayna aamminsan yihiin in xiriir kasta lagu saleeyo.
- Al-Shabaab iyo Daacish ma oggola fikradaha dimoqoraadiyad, xisbiyo badan iyo baarlamaan sharci dejiya, fikirka Salafiguna isla afkaartaas buu qabaa.
- Al-Shabaab iyo Daacish ma oggola in haweenku kaalin muuqda ku yeeshaan arrimaha bulshada. Tusaale ahaan, ma oggola in haweenku xilalka sare ee qaranka – sida madaxweyne, ra’iisuwasaare, xildhibaan, qaalli, wasiir, iqk- ay qabtaan,isla fikraddaasna waxaa har iyo habeen faafiya wadaaddada Salafiyiinta.
- Alshaab iyo Daacish ma oggola in qof aan muslim ahayn uu xil ka qaban karo waddan muslim ah, sidaana waxaa u laqinay macallimiintooda Salafiyiinta ah.
- Alshabaab iyo Daacish muslimiinta ka fikirka duwan sida Suufiyada, Ashaacirada iyo Shiicada waxay u arkaan gaalo islaamka iyo muslimiinta uga khatar badan Yahuudda iyo Kirishtanka, taasina waa fikirka dhabta ah ee Salafiyiinta. Salafiyiintu waxay qabaan in Suufiga lagu jihaado ka hor inta aan Yahuudiga lagu jihaadin, waayo Suufiga waxay u arkaan cadow gudaha kula nool oo ka khatar badan kan dibedda.
Guud ahaan, fikirka Salafiga iyo kan Daacish iyo Al-Shaab dhanka aragtida waxay wadaagaan in muslimiinta si fudud lagu gaalaysiiyo, dhanka dhaqankana waxay ka siman yihiin in colaad iyo nacayb loo muujiyo cid kasta oo ka feker duwaan, haddii duruuftu saamaxdana seefta laga aslo. Waxaana lagu dooday in xiriirka Salafiyadu la wadaagto Daacish iyo Alshaab uu la mid yahay xiriirka ka dhexeeya hooyo iyo ilmo ay gogol-dhaaf ku dhashay! Hooyadaasi si sahlan kuma qiran karto ilmaha ay meher la’aanta ku dhashay, isla markaana ma awooddo in ay qariso dareenkeeda hooyonimo!.
Shiikh Caadil Al-Kalbaani oo ahaa imaam ka tujin jirey masjidka Xaramka ee Maka al-Mukarama wuxuu dhowr jeer cod dheer ku sheegay in Daacish tahay “abuur ay dhashay salafiyadu loona baahan yahay in si cad loo wajaho/ داعش نبتة سلفية يجب أن نواجهها بشفافية”, oraahdaas oo buuq badan dhalisay, Salafiyiintuna ay aad u dhibsadeen. Shiikha oo arrinkaan laga waraystayna wuxuu yiri: “Fikirka Daacish xanbaarsan tahay waa fikir Salafi ah, Iyadu Ikhwaani ma aha, Qudbi ma aha, Ashcariyo ma aha, Suufiyana ma aha, waxay daliishadaan waxa buugtayada ku qoran/ الفكر الدي تحمله داعش فكر سلفي، فهي ليست اخوانية ولا قطبية، ولا أشعرية ولا صوفية، ويستدلون بما في كتبنا نحن” (Halkaan ka daawo waraysiga Shiikh Caadil Kalbaani: https://www.youtube.com/watch?v=5gCyPrGc9ms).
Dhab ahaantii ma jiro farqi la taaban karo oo u dhexeeya afkaarta Salafiyada, Daacish iyo Alshabaab. Tusaale ahaan, Dr. Mansuur al-Hajla oo ah cilmi-baare u dhashay dalka Sacuudiga oo faallo ka bixiyey doodda Shiikh Caadil Kalbaani wuxuu caddeeyey in hadalka Shiikhu uu xaqiiqo dhab ah ku salaysan yahay, oo Daacish ay si buuxda uga tarjumayso afkaarta Salafiga, siiba nuqulkeeda Wahaabida Najdi ama Wahaabida walaalaha kuwa Alle addeeca/ إخوان من أطاع الله (Kooxda loo yaqaan magaca “Walaalaha kuwa Alle addeeca waxay ka tirsanaayeen Wahaabiyiintii boqor Cabdicasiis askarta u ahaa, waxayna ku caanbaxeen in ay aad daacad ugu ahaayeen afkaartii Shiikh Maxamed bin Cabdiwahaab, ayna gaalaysiiyaan beelaha diida in ay qaataan afkaartooda, dabadeedna ay beelahaas dagaal ku qaadaan ka dib marka ay ku xukumaan in ay riddoobeen. Ugu danbayntiina, ciidan ahaan ururkaan markii danbe waxaa baabi’iyey boqor Cabdicasiis ka dib markii uu sannadkii 1929kii ku qaaday dagaalka ku caanbaxay “Dagaalkii Sabla”. Dagaalkuna wuxuu dhashay ka dib markii ay iska horyimaadeen danihii boqorka iyo afkaarta wadaaddadaan)[v].
Dr. Mansuur AlHajla wuxuu xusay 19 qodob oo Daacish ay ka qaateen Salafiyada, waxaana ka mid ah[vi];
- Nolosha waxaa asal u ah dagaal, nabadduna waa mar la arag
- Asal ahaan dhiigga gaalku waa xalaal
- Sababta gaalada loola dagaallamayo ee jihaadka loogu qaadayaa waa gaalnimada ee ma ah dulmi ay geysteen.
- Dimoqoraadiyaddu waa gaalnimo
- Waa gaalnimo in dadku qaanuun dejistaan (تكفير القوانين الوضعية)
- Waa gaalnimo in gaalada la miciinsado (تكفير مظاهرة الكفار)
- Qofkii aan gaalada gaalaysiin ama ka shakiya gaalnimadooda wuu gaaloobayaa
- Gaalaysiinta madaxda dunida Islaamka
- U ol’olaynta helidda dowlad islaam ah iyo soo celinta imbiraadooriyaddii khilaafadii Islaamka
- Taageeridda hadba ciddii awoodda dalka maroorsata (الخضوع والطاعة للمتغلب أو الجمعة مع من غلب)
- Diididda in beesha caalamka wax lala wadaago (رفض النظام الدولي والمشاركة فيه)
- Taageeridda xadka riddada (Arrinkaan Salafiyadu goonni kuma ah balse waxaa la wadaaga muslimiin badan)
- Gaalaysiinta Shiicada Itnaa Cashariyada iyo Nuseyriyiinta
- U dulqaadasho la’aanta ciddii ka aragti duwan
- Isla qummaan iyo u haysashada in fahankooda oo qura uu yahay fahanka saxda ah ee diinta (النظرة الوثوقية والجزمية في فهم الدين).
Isku soo duuboo, afkaarta xagjirka ah ee Alshabaab, Daacish, Boko Haraam iyo qaar kale oo badani ay wax ku halaageen waa isla fekerka Salafiga ah ee habeen iyo dharaar masaajiddeenna laga akhriyo, ubadkeennana dugsiyada, jaamacadaha iyo masaajidda loogu akhriyo. Falalka argagixisaduna joogsan maayaan jeer laga run sheegayo sababta cudurka keenaysa, lagana ogaanayo isha laga waraabiyo fikirkaan dilaaga ah.
Salafiyiintana waxaa la gudboon in ay boor isku qarinta joojiyaan, bulshadana u arkaan dad garaad leh oo si sax ah wax u qiimayn kara, una soo bandhigaan wax la garan karo oo ay uga geddisan yihiin ururrada xagjirka ah ee dunida rogay. Fallaari gilgilasho kaagama harto!!!
Cabdisaciid Cabdi Ismaaciil
sismail42@gmail.com
[i] Faahfaahinta qodobkaan ka eeg qoraallada uu ka midka yahay maqaalka Khaalid bin Saqar ee cinwaankiisu yahay Doodda isu-ekaanta Daacish iyo Wahaabiyada/جدل التشابه بين داعش والوهابية
[ii] Tusaale ahaan eeg maqaalkaan cinwaanka looga dhigay “Daacish manhaj iyo dhaqanba waxay ka tirsan tahay Wahaabiyada/داعش الامتداد الطبيعي للوهابية: منهجا وعملا”.
http://www.alalam.ir/news/1692979
[iii] Buugga Cusmaan bin Cabdullaahi bin Bishir ee “Cinwaan al-Majdi fii Taariikh al-Najdi” waxaa lagu tiriyaa buugta ugu mudan ee laga qoray taariikhdii dowladii Shiikh Muxamed bin Cabdiwahaab uu ka qayb-qaatay dhisiddeeda.
[iv] Buugga Shiikh Xuseen bin Gannaam ee “Beerta Fikradaha iyo Fahanka/ روضة الأفكار والأفهام” ama “Taariikhda Najdi”, waxaa lagu tiriyaa buugga ugu wanaagsan ee xertii shiikhu ay ka qoreen dacwadii Shiikha.
[v] Faahfaahinta qodobkaan ka eeg maqaalkaan uu cilmibaaraha Sacuudiga ah ee Cabdullahi al-Maaliki uu ugu magacdaray “Daacish iyo Walaalaha kan Alle Adeeca: taariikhdu ma isi soo celisay/ الوهابية واخوان من اطاع الله وداعش/ http://altagreer.com/%D8%A7%D9%84%D9%88%D9%87%D8%A7%D8%A8%D9%8A%D8%A9-%D9%88%D8%A5%D8%AE%D9%88%D8%A7%D9%86-%D9%85%D9%86-%D8%B7%D8%A7%D8%B9-%D8%A7%D9%84%D9%84%D9%87-%D9%88%D8%AF%D8%A7%D8%B9%D8%B4-%D9%87%D9%84-%D8%A3/ ).
[vi] Maqaalka Mansuur halkaan ka eeg: https://www.facebook.com/Secularabs/posts/1052829568066973
[vii] Maqaalka Nawaaf halkaan ka eeg:
https://www.alaraby.co.uk/opinion/2014/8/20/%D8%B3%D8%A4%D8%A7%D9%84-%D9%83%D8%A8%D9%8A%D8%B1–%D9%83%D9%8A%D9%81-%D8%AA%D8%B4%D9%83%D9%84%D8%AA-%D8%AF%D8%A7%D8%B9%D8%B4-1-2-
Wadaaddadu dhaqan kululaa ma dac bay ka soo cabbeen!
Feylasuufkii Jean-Jacques Rousseau (1712-1778) buuggiisa “Emile ama Tarbiyada/ Emile, or On Education/ إميل أو تربية الطفل من المهد إلى الرشد” wuxuu ku bilaabay oraahda ah: “Walax kastaa gacante Alle waxay ka soo baxdaa iyada oo wanaagsan, laakiin waxay xumaataa kolka ay gacanta aadanaha ku dhacdo/ Everything is good as it comes from the hands of the Maker of the world, but degenerates once it gets into the hands of man.” Waxyaabaha iyaga oo wanaagsan xagga Alle ka yimaada ee aadanuhu fasahaadiyo waxaa ugu horreeya aadanaha qudhiisa iyo diimaha. Ilmaha iyo diimuhu labaduba waxay xagga Alle ka yimaadaan iyaga oo saafi ah, laakiin waxaa wax badan ka hallaabaan marka ay gacanta aadanaha ku dhacaan oo ay damacooda iyo danahood ku daartaan.
Run ahaantii labo shay marka ay isku khaldamaan waxaa dhacaya waxa loo yaqaan “ aafo cilmiyeed” oo ayana sababta madhalaysnimo dhanka maanka ah, labadaas walxood waxa ay kala yihiin;A: Nuxurka ama ujeeddada looga gol leeyahay marka fal la samaynayo ama la farayo
B :Wadiiqada (wasiilada\ menas) lagu gaarayo nuxurka ama ujeeddada.
Bulshada uu ku dhaco aafo cilmiyeedkaas ah kalasaarid la’aanta nuxurka iyo wadiiqada lagu gaarayo nuxurka, waxaa lagu gartaa waxaa ka luma halbeegga wax lagu miisaamo kadibna waxaa xagaldaaca qaab nololeedkeeda.
Ummad walba oo kala saari wayda muuqaalka sare iyo macnaha hoose ee diintu leedahay waxaa soo wajaha gurracnaan dhanka dhaqanka ah.
isku dheeli tir la’aanta nolasha iyo hallowga bulsho waxa uu ka dhashaa labo waddo mid kood
kow Nuxurka iyo hiigsiga oo lagacan bidixeeyo
labo wadiiqadii maqsadka loo marilahaa oo laga marin habaabo
Si leeda fuulka iyo gacan bidixaynta looga ilaaliyo sharaceeda Islaamka Alle axkaamta marka uu soo dajiyey waxa uu ku xiray xikmad iyo macne laga leeyahay ee kuma uusan xirin muuqal iyo magac, waana meesha culimadu ka dhahaan xukunku waxa uu raaacaa cillada iyo xikmadda loo jideeyey darteed: “ alxukmu yaduuru maca cillatihi wujuudan wacadaman/الحكم يدور مع “علته وجودا وعدما”.
Waxaa kaloo wareer iyo walaahow keena, marka la isku barxo ama la isku khaldo mabda’a iyo shakhasiga mabda’a xanbaarsan. Qofku waa adeege u adeega mabda’a uu rumaysanyahay, sidaas darteed mabda’a waa loo adeegaa ee lama adageegsado. Dhanka kale mabda’a diiniga ahí inta badan waa muqadas magafe ah meesha adeeguhu yahay bashar ay ka suurta gasho khalad iyo sax labaduba, sidaas darteed kalasaarida labadaas walxood waa arrin lama huraan ah.
Hasayeeshee waayahaan danbe waxaa aad u soo if baxday in la isku barxo diinta iyo adeegaha diinta { culimada}, danta laga leeyahayna waxa ay u muuqataa in diinta laftigeeda la adeegsado, lagana dhigto faas surta lagu jabsado التدين النفعي.
Waxaa gayiga Soomaliya aad ugu soo batay wadaaddo magacooda ku lamaaniya magaca Eebbe, tusaale ahaan waxaad maqlasayaa wadaad leh “ Diinta Alle iyo ehelkeeda”, waxa uu uga gol-leeyahay waa in isagu uu diinta ka dhigto gaashaan uu isku difaaco. Qofka markaas ay isaga is hayaana uu ka dhigo qof diinta Alle weerar ku ah.
Tilaamaha lagu yaqaan dadka diinta ku ugaarta waxaa ka mid ah, in ay tixgalin dheeraad ah siiyaan muuqaalka sare iyo shakliga, ayaga oo baal maraya gunta hoose iyo nuxurka diinta.
Akhristuhu waxa uu is waydiin karaa maxay tahay sababta wadaadaddu ay muhiimadda u siiyaan dhanka muuqaalka sare sida dharka, garka iyo sacaada oo midigta lagu xirto, ayadoo dhanka kale halbowlihii diinta labbaal marayo??
Dhab ahaantii jawaabta is waydiintaasi waa mid cid walba dareemi karto waxayna ku soo biya shubanaysaa rigaysi la rabo in caamada lagu giraysto muuqaal maran, waana arrinta uu ka hadalay caaqilkii waynaa ee Ibnu Rushdi markii uu yiri: “ haddii aad rabto in aad jaahil xukunto baadil walba ugu yeel magac diineed”. Sidoo kale waxaa laga sheegay in uu yiri: “ diintu waa ganacsiga ugu fiican Ummadaha jahligu ku faafay dhexdooda”.
Waxaa muuqata in iyada oo wadaaddadu ay ka anbaqaadayaan weedhaas ay caamada ku hubsadeen dabinka is adoonsiga silloon, ama dadban.
Waxaa jirta weedh aad u qiima badan oo uu leeyahay wadaadka Sacuudiga ah ee Ustaad Xaatim Alcowni, isaga oo ka hadlaya marka diinta dulucda iyo nuxurka laga siibo laguna ekaado muuqaalka sare waxa uu yiri: “Diin dhaqameedka ku yimaada laab xaarnaan waa midka ahmiyada siiya dulucda iyo nuxurka diinta, aananna buunbuunin muuqaalka sare asaga oo ka tagaya dulucda hoose”.
Shiikhu muuqaalka sare waxa uu tusaale uga dhigay garka oo la la baxo iyo hoos guntiga oo la gaabsado.
Gobollada Soomaalida qaarkood waxa ay u yaqaannaan gar-xawaaladeed, oo waxaa la baxa qofka shaqo ka raadinaya xawaaladaha Soomalida sababtuna waxa ay tahay muuqaalka sare ayaa waxa uu noqday halbeega lagu qiimeeyo xumida iyo samaanta qofka.
Wadaaaddadu dhallinta maankoodu caafimaadka qabo ee si un uga biyadiida hab dhanqanka gurracan ee wadaaddada, waxa ay ku dhahaan iyaga oo afjigaya: wiilow ruux anbanaya ayaad u egtahay ee joog, dacwadaan dad baa u soo murxay oo nafta agdhigay. Aan is weydiinnee tolow ma waxa ay ujeedaan gacan ka hadalkii ay sanooyin ka hor ku gabagabeeyeen gayiga Soomaaliyeed intiisa badan.
Arrintani waxa ay u egtahay dagaal maskaxeed ka dhan ah bulshada Soomaaliyeed gaar ahaan dhalinta barata culuumta diinta oo waddaaddadu waxa ay rabaan in aanayn gacantooda ka bixin.
Wadaaddadii hore ee Suufiyada waxa ay ku rigaysan jireen ardadooda in ay cilmiga maqan (=Geybiyaatka) wax ka yaqaannaan iyo in ay karaamo awliyo leeyihiin, laakin kuwani waxa ay ardadooda u addoonsadaan qaab kaas ka hor marsan oo aan si degdeg ah loo fahmi karin.
DR Cali Shareecatii ayaa tusaale aad u qurux badan ka bixiyey is adoonsiga silloon,waxaana ugu sii daran marka lagugu addoonsado wax agtaada muqaddas ka ah sida salaadda oo kale waxaaan uu yiri sidatan:
“Marka uu dab qabsado guri deedna intuu qof kuu yimaado uu ku dhaho walaal ina keen masaajidka aan galnee si aan u tukano Allena u barino, ogow kaasi waa khaa’in sababtoo ah danta uu salaadda ka leeyahay ayaa waxay tahay in uu kaa mashquuliyo waajibka markaas kaa saaran daminta guriga iyo u gargaarida dariska, ogow markaas wuxuu kugu addoonsaday shay wacan”. Akhirstow ogow in baaqa noocan ahi uu yahay duullaan maskaxeed dadban.
Run ahaantii aqoonyahanada adduunku waxa ay isku waafaqsanyihiin weerta oranaysa aqoontu waa dhaqaajiyaha maanka sidoo kalena waxa ay isku raacsanyihiin is waydiintu in ay tahay baraarugga wacyiga barashada. Hasa ahaatee waxaad mooddaa dunida saddexaaad oo caalam Al-islaami hormuud ka yahay in ay dhagaha ka furaysteen in is waydiintu tahay furaha hormarka ee bulsho walba, sidoo kalana ay tahay waddada kaliya oo looga badbaadi karo inay bulshada ku dhexfaafto sheeko xariir lagu xardhay magac diineed. Laakin waddaadada ku caanbaxay la dagaalanka wacyiga, hoggaankana u haya dagaal maskaxeedka ka dhanka ah bulshada Soomaaliyeed ayaa waxa ay xaarxaar teen jabad waa hore laga guuray, bulashadana waxa ay ka dhaadhiciyeen in ay iyagu hayaan furaha jannada iyo qufullada naarta.
Marka dhabta laga hadlo wadaaddadu waxay aad u fududaysteen maanka ummadda, waxayna bixiyeen sawir ah in caamadu tahay bukaan socod, marna aan ka maarmin dhaqtar, dabcan dhakhtarkuna waa iyaga. Waxay gaareen heer ah in shuko carbeed loo soo gashado kadibna la dhaho aniga kaliya ha la i dhagaysto, ninkii yiraahda war annagu rag ayaan nahay ee afka hanaqabaninna ay ku dhahaan: “akhri waxaad ka heshana wax ha iga sin, berri adoo wareersan oo dalanbaabinaya haddii lagu arki waayo been baan kuu sheegay”.
Ma istiri wadaadku waxa uu rabaa in aan weligi laga dabahadlin, dadkuna ay ugu xaraysnaadaan moorada saboolnimada iyo maan gaabnimada. In ay arrintu sidaa tahay waxaa daliil u ah garta joogtada ah ee ka tagaan xaafadda Islii ee magaalada Nairobi ee ku saabsan wadaad hebel cajaladihiisa yaan la daarin iyo waan daaraynaa, mararka qaarkoodna gaarta in booliska dalka loo habar wacdo.
Waxaa is waydiin mudan wadaadku ma cilmi qaybka ayuu ogyahay? Waxaa muuqata in talo uga soo idlaatay aniga ha la i soo maro. Wadaadku dhaqan dhanaanaa ma dac buu ka soo cabay!
Akhyaarta lafagurta hadallada maqaawiirtu waxa ay leeyihiin hadalkani waxa uu leeyahay tilmaamihii hadalladii Fircoon. Sida aan wada ogsoonahay, Fircoon waxa uu ahaa Boqor ilaahnimo sheegtay, dadkii hoos joogayna ku xukumijiray hanjabaad iyo cagajuglayn, isaga oo marwalba sheegi jiray in uu ka aragti dheerayahay, danahoodana ka yaqaan, tilmaamahaas oo iyaga oo kale laga dheehan karo hadalka wadaaddada maanta.
Eebbe oo ka waramaya qaabkii Fircoon uu ula hadli jiray raciyadiisa waxa uu yiri sidatan: “Idiin ma arko waxaan arko mooyee, idinkuna hanuunin maayo waxaan ahayn waddada wanaagsan/ maa uriikum illaa maa araa wamaa ahdiikum illa sabiil alrashaad”.
Fircoon waxa uu ku caan baxay in uu ka dhaadhiciyo raciyadiisa in cidda isaga ka soo horjeedda ay waddo fasaad iyo inay beddalaan diintii xaqa ah ee ay haystaan, wuxuuna oran jiray: “waxaan ka baqayaa in uu diintiina idinka baddalo fasaadna uu keeno dhulka aad deggantihiin/ Innii akhaafu an yubadila diinakum wa’an yudhira fil ardi alfasaada”.
Dhaqamada lagu yaqaan dadka dhanka maanka ka qooqay waxaa ka mid ah in ay u sawiraan cid walba oo ayaga maan dhaafsan in ay yihiin qoom baadiyoobay, bidcana ku dhacay kuna howlan burburinta diinta waana dhaxal uu katagay Fircoon. Eedaynta noocan ah waxaa aad u isticmaala wadaaddada oo marka wadaad uu wadaad kale qoonsado waxa ugu horreeya oo uu kula dagaallamo waxa ay tahay in uu dhaho waa diinlaawe cid kale u shaqeeya. Run ahaantii wadaaddadu waa duul gardarrada sokeeye malab loogu tiray.
Waxaa jira maqaal aad u xiiso badan oo uu qoray Ustaad Xaatim Alcowni magaciisuna yahay “Caqliga oo la sharo”. Wadaadku waxa uu tilmaamay calaamada lagu garto wadaaddada dagaal maskaxeedka ku haya Ummadda ay horjoogan, wuxuuna yiri sidatan:
1: Waxa ay u diidaan ardadooda iyo atbaacdooda in ay akhriyaan kitaabada ay qoreen dadka ayaga aysan isku fikirka ahayn, haddii ay u ogolaadaanna waxa ay ku xiraan shuruudo adag. Bal aan dib u xusuusano qaabkii loola dhaqmay buuggii “Xadka ridada maxaa ka run ah?”.
2: Waxa ay diidaan in la dhagaysto ama lala doodo cidda ka aragti duwan , iyaga oo qiil ka dhiganaya in Salafku sidaas samayn jireen.
3: Qolyaha ayaga ka fikir duwan marka ay daliil xoog badan keenaan waxa ay ku tilmaamaan
{ Shubho ama daliil daciif ah oo aan xoog badnayn }, iyaga oo ka duulaya in dadweynuhu aysan lahayn aqoon ay isku barbardhigaan daliilaha kala duwan ee la adeegsanayo.
4: Cidda iyaga maan dhaafsan way ku been abuurtaan si ay sumcadda uga dilaan, markuu haadaanta ka dhacana ay u dhahaan cidii waddadaas marta af libaax ayuu ku dhacaa .
5: Waxa ay diidaan in la faafiyo ama la’iibsado buugaagta ay qoreen dadka aysan isku aragtida ahayn .
Gabagabadii iyo gunaanadii wadaadku waxa uu yiri: “arrimaha noocaas ahí marka ay kugu dhacaan waxaad ogaataa in aad nooshahay adiga oo caqli sharan maankaaguna naafoobay.”
Akhristow shantaan calaamadood ma ku soo xusuusiyeen qaylo dhaantii wadaaddada qaarkood ay ka horgeeyeen qoraa Cabdisiciid iyo buuggii “Xadka riddada maxaa ka run ah?”.
Dhibaatooyinka ka dhasha marka la isku khalado diinta iyo adeegayaasha diinta waxaa ka mid ah in adeegayaashu ay isu sharraxaan in ay naqdaan wakiillada Eebbe. Kacdoonkii 2006 wadaadu hormuudka ka ahaayeen kadib carriga Soomaliya waxaa harqiyey halkudhegyo ay ka mid yihiin; waxaan dabaqaynaa shareecada Islaamka, waxaan hirgalinaynaa awaamirta Alle, waxaan fulinaynaa xuduudda Rabbi, …iqk.
Afduubka magaca Alle waxaa ka dhashay in la yiraahdo xabadda iyo madfaca la ridayo ilaahay darti ayaa loo ridayaa, dabcan qofkii ay ku dhacaanna ilaahay dartiis bay ugu dhaceen, maatada la gumaadayana ilaahay dartiis ayaa loo gumaadayaa!
Ugu danbayntiina, leeda fuulka magaca Alle waxa ay ku biyoshubanaysaa suura xumaynta diinta Islaamka iyo in wadaaddada qaarkood ay ku noqdaan maalin taajir.
Burhan Ahmed Mohamed
feerofitig@gmail.com
Friday, April 28, 2017
Thursday, April 27, 2017
WAA KUWEE URURKA CUSUB EE XAQ CADEEYAYAASHA? (الصادعون بالحق )
.W/Q: Abdi J Arab
Markaan diiradda saaray ururkaan — Maxaa iiga soo Baxay? Xubnaha Ururkan Ku jira intooda badan waa Ragii loo yaqaanay Al-takfiir wal-hijrah iyo Takfiir Jawi — Oo Macnaheeda yahay Gaaleysiin iyo Hijrah ama Takfiirka is qariya. Afkaarta ay ku soo bandhigeen bayaanaatkooda waxay u egyihiin isla afkaartii lagu tuhunsanaa ragaan hadda ku dhawaaqay Ururka, laakiin marar badan ay inkiri jireen in afkaartaan ey qabaan ama ka amuusi jireen — marka lagu tuhmo aragtiyadahaas oo qayb ahaan ah gaalaysiinta mujtamaca muslimka ah.
Inta badan waa rag wax bartay oo leh takhasusaad cilmi oo kala duwan, ahna kawaadir aad uga dhex muuqda xarumaha waxbarashada nooceey doonaan ha ahaadeenee. Waxaa la dhihi karaa Jamaacooyinka Soomaaliya ka jira waa kuwa ugu aqoon badan. SIDEE KU ABUURMEEN URURKAAN? Ururkaan waxay asal ahaan kasoo jeedaan ururka weyn ee Al-ikhwaanul Muslimiin ee uu aasaasay Ninkii Masriga ahaa ee la oran jiray Shiikh Xasan Albannaa SANADKII 1924KII.
Sanadku markuu ahaa 1952 ayaa saraakiil ey hogaaminayaan Jamaal Cabdinaasir iyo Axmed Najiib oo ka tirsanaa ciidanka Masar oo kaashanaya quwadda Kawaadirta ururka Al-ikhwaanul Muslimiin ey ku heshiiyeen iney afgambiyaan Boqorkii Masar Boqor Faaruuqii koowaad.
Afgambigii wey ku guuleysteen, Boqorkii waxay ku qasbeen inuu xilka boqortooyada ku wareejiyo wiilkiisa oo nuune ahaa xiligaas — isagiina waxaa loo musaafuriyay Boqortooyada Monaco.
Jamaal Cabdinaasir ayaa Noqday Madaxweynaha Dalka Masar — wixii ugu horeeyay uu sameeyay waxay aheyd inuu balanta uga baxay ikhwaankii, intaas kuma harinee wuxuu birta ka aslay oo madaxa ka guray badi kawaadirtii ururka, qaar badanna xabsiyada ku jirdilay — isagoo dhadhansiiyay cadaabkii adduunka.
Jirdilka ragaas loo geystay waxaa kamid ahaa in qofka inta lugaha laga xiro deedna lagu sii xiro gaari kaasoo buuraha iyo wadooyinka rafka ku jiida qofkaas ilaa hilibkiisu uu jidka ku dhamaado.
Qaar waxaa lagu diri jiray eeyo waa weyn oo la gaajeesiiyay si ey nolol ugu cunaan. Dumarka iyaga waxaa intaa u dheeraa kufsi joogto ah. Dadkii aadka loo cadaabay waxaa kamid ah haweeneey la oran jiray Zaynab Al-qazaali oo aheyd qoraa sare lana dhalatay Mufakirkii weynaa ee cabqariga ahaa Maxammed Alqazaali.
Waana halkaas meesha ey takfiirku kasoo farcameen, waxaa isu sawirtay waxa loo dilayaa waa iney rabaan iney kitaabka ilaahey isku xukumaan, cidda dileysa oo cadaabeysaana ma’aheyn gaalo — ee waxay ahaayeen dad muslimiin ah, waxaana lagu dhex waxyeelanayana gudaha mujtamac Muslim ah oo daawanaya oo aan waxba ka oraneyn dhibta loo geysanayo.
Sedexdaas arimood ayaa isku qaban weyday waxayna go’aansadeen iney u arkaan; dawladda iyo shacabkaba iney gaalo yihiin. Waana halkaas halkeey kasoo aasaameen. Fikirkaan gaaleysiinta wuxuu Dalkeena soo caga dhigtay bilowgii todobaatameeyadii.
Qaar badan oo ka mid ah waxay ka tirsanaayeen Ururkii Caanka Ahaa ee Ahli Oo la aasaasay 1973dii markii dambana burburay ka dib markii ay soo dhex gashay afkaar gaalaysiin ah oo inta badan xubnihii ururka ay qaateen — markii danbana keenay burburka Ururka iyo in intii badneed xubnihii ururka ka noqdeen afkaartii gaalaysiinta, taa oo gogosha u xaartay in dhamaadkii todobaatameeyadii Xubnihii ururkii Ahli Qaarkood Sameeyeen Ururkii Islaax Iyo Jamaaca Islaamiya. Markii ay sameesmeen labadaa urur waxaa jiray Xubno ku haray ururkii Ahli Oo Haystay fikirkii gaalaysiinta kana tanaasulin uuna ku jiray Amiirkii Ururka iyo xubno muhim ah inkastoo inta badan xubnihii ahliga ay isaga tageen Takfiirinta oo ay ku kala biireen labadii urur ee aan soo sheegnay.
Ragaan hada ku dhawaaqay ururka inta badan waa ragii waagaa ku baaqiga ahaa fikirkii gaalaysiinta uuna ka baaba’ay Ururkii ka dib markii inta badan ragii kula jiray ay ka baxeen aasaasteena labadaa urur ee waawayn ee markii dambana dhul waynaha Soomaalida ku faafay.
Mudadii afartanka sanadood ahayd ee ka danbaysay bur burkii ururkii ahli — ayaa waxaa jiray in dadka qaar oo xog-ogaal ahaa ay sheegi jireen in ragii ku haray fikirkii gaalaysiinta wali isku xiran yihiin si qarsoodi ah Ururna ay yihiin, dadka qaar ayaase ku doodi jiray nimankaas in ay baaba’een oo Wax Urur ah uusan u jirin ay iska yihiin dad saaxiiba ah. Inta badan ragaan Ururka hada ku dhawaaqay waxay xooga saari jireen tacliimta maadiga ah iyo tan diiniga ahba — iyagoo aad uga dhex muuqday mu’aasasaatka tacliimta ee ay leeyihiin xarakaatka islaamiga ah sida jaamacadaha iyo Macaahida iyo xataa iskuulada, maadaama ay kawaadir ay ahaayeen ku fiican tacliimta waxay ahaayeen kuwa aan looga maarmin tacliimta heerka sare, sidoo kale waxaa jiray mu,asasaat tacliimi ah oo ay ayaga qayb ahaan wax ka aasaaseen oo ay ka shaqayn jireen.
Waxaa muuqata in rag muhim ah oo uu ka mid yahay amiirkii hore ee ahli oo lagu tirinaayay ragan in uusan ka muuqan fiidiyoowga ay ku soo bandhigeen barnaamijkooda, waxaa kaloo ka maqan sheekh cabdiqaadir aw muuse oo u ah munadirkooda (fikir soo bandhigahooda) oo dhawaan qoray dhoor buug oo uu ku soo bandhigaayay taariikhda Saxwada asagoo ku andacooday in saxwada asalka ah ee soomaalida ay tahay kooxdooda.
Ka maqnaashaha labadaa sheekh ee muhimka ah ma cadda ilaa hada in ay khilaaf iyo is faham waa kaga maqan yihiin iyo in uun muuqaalka bes ah ka maqan yihiin ee Ururka Dhismihiisa qayb ka yihiin, koleey maalmaha soo socdaa la ogaan doonaa.
Runtii Waxaa aad u yaab leh in dhawaan Sheekh Cabdiqaadir Aw Muuse Kutubtiisa uu qoray uu ku soo bandhigay dood oronaysay in ayaga ay yihiin asalka saxwada soomaaliya laakiin uu ku eedeeyay xarakaatkii ka sameesmay ahli ee Islaaxa Iyo Ictisaamka ay ka Boobeen Saxwadii ayna yihiin Xarakaatkaa Afkaar ku soo duushay saxwadii soomaalida oo taakuleen Carbeet ay sababtay in ay xoogeestaan ayagoo saxwadii soomaaliyeedna ay ayaga qabsadeen.
Runtii doodaa ayadoo ay jirtay ayaa waxaa soo baxday in kooxdan cusub ay qayb ka tahay koox caalami ah oo ka dhisan dalka dibadiisa taas oo soo afjareesa doodii Aw Muuse Ee ku Eedeenaysay xarakaatka in ay yihiin fikir ku soo duulay saxwadii soomaaliya oo caalamka looga yimid.
YEY ISKAGA MID YIHIIN RAGAAN FIKIRKA?
Waxaa muhiim ah in wax walba aan ku wajahno aqoon iyo xeeldheeri. Fikirka gaaleysiinta dadka Muslimiinta ah ee nimankaan cusub ey qabi jireen, haddana lagu tuhmayo waxaa muhiim ah in la tilmaamo in usurp badan oo Soomaaliya iyo Caalamka Islaamka ka dhisan ey qabaan noocyo kamid ah fikirka gaaleysiinta. Tusaale; nimankaan la yiraahdo Alshabaab ee asal ahaan kasoo jeeda kana farcamay fikirna ka qaatay ururkii loo yiqiin Alwahaabiyah ee uu aasaasay AUN Sh Maxamed Cabdulwahaab ey aaminsan yihiin sidaan iyaga aheyn iney gaalo yihiin. Daacish sidaa si laid ah ayeey aaminsan yihiin. Labadaa qolo gaaleysiin kaliya kuma ekaanee waxay ugu dareen dadkii iney dhiigaada baneysteen goob walba xataa masaajidka eysan kaga nabad gelin, xoolahoodana ey baneysteen. Marka waa su’aalee, kaba soo qaad in ururkaan cusub weli heystaan fikirkoodii hore ee gaaleysiinta, laakiin waxaan marqaati dhamaanteen ka wada nahay ineysan weligood qof muslim hub u qaadan oo eysan waxyeeleyn.
Haddaba kee daran qof ku gaaleeysiiyay laakiin aan dhib kuu geysan oo wuxuu aaminsan yahay isaga isku koobay? Mise Mid gaaleysiin kuugu draya dil iyo dhac? Jawaabta su’aasha waxaan u dhaafayaa aqristaha isagu ama iyadu ey qanaacadooda shaqsiga ah ku gaaraan. GUNAANAD Gabagabadii, waxaanan caddeyn fikirka ay haatan xambaarsan yihiin Ururkaan magaca bedeshay, ma koodii hore Oo Ah Gaalaysiinta Muslimiinta (Takfiir) bey kusii dheganaan, mise waxbaa iska bedelay? su’aashaas waxaan u daynayaa in waayaha iyo waqtiga ey nooga jawaabaan.
Waana Meesha Ay kaga duwan yihiin Takfiirka la yaqaano oo ah in Kooxda Takfiirka Ah Ee Madaxda U Yahay Sh. Maxamud Nuur Cusmaan Ayaga Isma qariyaan, Waxaa kaloo Ay kaga Duwan yihiin In dadka ay soo dhex galaan qoladan Ururka Cusub Sameesatay ee la baxay Al-saadicuun Bil Xaq.
Waxaan aad ugu faraxsannahay 40 sano kadib ey ragaan Dakaatirada Iyo Asaatidada ah is muujiyeen — waxaa noo furantay wadadii lagula nuqaashi lahaa oo lagu sixi lahaa, aqoontoodana laga faaiidii lahaa, dowrkaa oo markii hore meesha ka maqnaa, ileen maba ay is muujin jirinee.
Waxaan ka codsanayaa Culimada soomaaliyeed ee waawayn sida Culimada hogaamisa hay’adda Culimada Soomaaliyeed in ay ragaan soo dhoweeyaan oo eysaan didin, kana faaiideystaan aqoontooda — iyagoo ku grab wada niqaash iyo gar naqsi si meesha looga saaro afkaarta kala fogaanshaha.
Aniga waxaan arkaa in ragaan Aasaasay Ururkaan Cusub oo ah rag karti iyo Aqoon lagu yaqaan ahna rag waaya arag ah hadii Lagu Qanciyo fikirka Gaalaysiinta in meesha ay ka saaraan ragaan iyo ururkoodaba kuwa wax ku sii kordhin kara mujtamca Soomaalida, qeyb libaaxna ka qaadan kara dib-u-dhiska dalkeena dhinac walba.
W/Q: Abdi J Arab
Wednesday, April 26, 2017
Tuesday, April 25, 2017
Monday, April 24, 2017
It"s only a mad man who can't differentiate between right and wrong
A mad man is not just a mad man, a wasted human being good for nothing, but the mad person play a bigger roll in our life, if we can only think wisely and try to analyze and find out the truth and the secret behind these type of people, the fact is they were not meant to be useless, hopeless, inefficient and a burden to others, as the way we see it, or the way it seems to be, but these mad people are there as trail for others, we have been tested by the creator who created us all. If we spend sometime with these mad or crazy people and try to know them better and understand their situation, problems and difficulties that they are under going it doesn't matter how much time we spend thinking, studying or analyzing everything concerning them and their behaviors at the end we will find ourselves deeply in the kingdom of God, you will see these very people lead you all the way to the lord the almighty God of the universe, if you are among those positive thinkers you will definitely go into deep prayer and you will always thank God for creating you as a normal human being, arriving at the point you will be blessed and your sins will be forgiven and you will be changed and become someone who strive in the course of God whom He obeys and you will be someone who does all kind of good deeds just for the sake of God and indeed you will achieve the highest achievement .
in fact these disable people whither they are blind, deaf or mentally sick, they were not created so that they suffer in this world, but they are signs and reflectors and a total guidance that will remind us about the creator who decided to give us what He did not give them, the Almighty wants you to find Him in all his creatures around you anywhere at anytime so that you can easily turn back to him with all these uncountable bless that he has favored you with, God wants you to be wise and be the one who will always think and remember Lord and when it comes to worshiping the Lord, we should be among those who waste no time at all, and always seek his mercy and guidance in all matters concerning our daily life.
Whenever we come across these kinds of people, God wants us to be reflectors of all his mercy and goodness and kindness, their disability will bring us closer to God, the more we become closer and attached to them, the more we will fill the closeness of the Lord.
The necessary preliminaries to a better understanding of human behavior is to think positively and it is always better and wise to have a positive approach to all matters, and you have to have the ability to see whatever that might arrive and come with these human behaviors, whether it is good or bad.
To find out about what these human behaviors really leads to, is something to do with using your brain and think properly, and ask yourself simple questions. Human behavior is something that has two ways system, and each system belongs or will lead you to a totally different world that has got nothing to do with each other, just like the day and night, I believe we don't need to carry a sport light during the day so that it can help us to see where we are going.
Verily the brain that thinks is blessing and great favor, If you can change the way you think you can easily change your life. A good habit is not easy to choose and it is not going to come to you automatically, it needs you to make the move and decide. First make up your mind and go for the good habit then stand for it. Say this is what I want after all, you will definitely feel happy you choose the good habit and you will never regret it and you will always feel great and blessed. You will feel relaxed deep inside and you will have the peace of mind that you need. As for the bad habit it is so easy to get involved with, and you will never know how it started. If you are not careful and think wisely and ask yourself why am I doing this? You should always remember that most of these bad habits are some kind of sins or things that will deprive you of your peace of mind because you will feel ashamed and you’ll feel bad about it sometimes you might even regret doing it for the rest of your life.
Today the whole world is in a total state of confusion. We don’t have the sense of direction. Muslims and non Muslims alike and we actually fall below humanity level, kindness and mercy have already faded away from our hearts until we reached the lowest of the lowest below the beast world. And even worst, because animals do have mercy even though we do call them the wild beast but they are in fact far better than what they seem to us human, because they are what they were meant to be and I believe they are doing a great job for human, who have the capacity to think and reason, we can learn from these animal and they can be a very important source of knowledge and guidance, because God favored us and gave us the ability and ways of seeking knowledge from our fellow human beings, and the same time we can learn from the nature, animals and insects. Almost everything that is surrounding us is a source of knowledge and guidance, it is for human to make the move and take the first step forward to discover the hidden world of power knowledge, which are there for mankind to benefit from it.
The brighter future for man kind is not something that anybody is going to decide and with it the human will be at their highest level of state of prosperities where each and everyone is going to enjoy freedom. That will free the human being from poverty and all kind of evil practices the truth is the solution of what is happening to our world today, the truth is something that needs us to study it. In other words we need knowledge. We don’t need empty words that will not throw light into the darkness of the past and present. Where did we man kind go wrong, in the past human fall in the trap of illusion and a man made system which was full of errs, injustice, contradiction, slavery, and imperialism and apartheid
That is what communist, and Arab socialist had to offer the umma. Even though millions of people dance for the tune of communist at that time, and many innocent men and women ware killed simply because they were against the system, the real positive changes that were promised the people never last, because what the people wanted was never there, they were forced to accept the communist as the only way for equality and a better future for mankind, our life is based on changes and the changes itself is a two way system, the positive one and the negative one, when it comes to the positive changes, the good thing about it is, it doesn’t come from evil and negative source, and nothing of that sort will come out of it at all, the positive changes is real and it is here to stay for ever, it needs men with open minded, kind and with big heart and who believe in God, and believe he is the only source of the positive changes, and nothing at all will bring these positive changes that we need today? Not what these Alqaida men are trying to, even if 50,000,000 Muslims or more join them to fight this crazy war, it is not going to bring the changes that we need, the changes itself is not even in the hands of our leaders, the U.S, or the UN, and it is not either in the democracy or the freedom that a lot of people are preaching nowadays. The changes has to come from each one of us, we have to have clear vision of what we want, and what we want to do, after all it is our believe and deeds that will shape and decide our destination
First of all we have to know the truth and the truth is nothing more or less than the existence of ‘GOD’ does God exist or not? Do we believe in him or not? If we do then what does ‘HE’ want us to do? Did ‘HE’ just create mankind and left them without guidance and purpose? God created a man and gave him the choice to decide what to do and not to do. And' HE’ made it clear for human being to notice, feel and see the good the bad and the evil exactly as they are. And He further made the good deeds, kindness, and patient to be the way of life for those who think and believe, verily it is the simple and easy way for them. As for the bad deeds, oppression and evil was made easy for those who are wicked, arrogant and evil doers. Those who never think and try their level best to reason and try to differentiate between the good and the bad ,the false and the truth.
Terrobuster
Subscribe to:
Posts (Atom)