Shabelle News
Baardheere:
(Sh. M. Network) Odayaasha gobolka Gedo ayaa kulan ay ku yeesheen
magaalada Baardheere waxa ay kaga soo horjeesteen soo galitaanka
ciidamada Kenya ee gudaha Soomaaliya oo ay sharci daro ku tilmaameen.
Kadib markii bartamihii bishaan Ciidamada Milatariga dowladda Kenya ay gudaha u soo galeen qeybo ka mid ah gobolada Jubooyinka iyo Gedo ayaa arimahaasi waxaa kulan ka yeeshay Odayaasha dhaqanka gobolka Gedo oo talaabadaasi ku tilmaamay mid sharci daro ah.
Ugaas
C/laahi Macalin Haaruun oo ka mid ah Odayaasha maanta kulanka ku
yeeshay degmada Baardheere ee gobolka Gedo islamarkaana loo soo
wakiishay in uu Warbaahinta ugu warbixiyo waxyaabihii ay kawada hadleen
ayaa waxaa uu sheegay in mar ka hore ay cambaareynayaan Ciidamada
Milatariga dowladda Kenya ee gudaha usoo galay Soomaaliya.
Ugaas
C/laahi ayaa waxaa uu tilmaamay in Odayaasha dhaqanka ee gobolka Gedo
aysan marna ogalayn Ciidamada Kenya oo ay tilmaameen inay kusoo
xadgudbeen dalka Soomaaliya, waxaana uu carabka ku dhuftay in talaabada
ay qaadeen Ciidamadaasi ay tahay gumeysi cusub sida uu hadalka u dhigay.
Isagoo
hadalkiisa wata ayaa waxaa uu intaasi ku daray in dowladda Kenya ay ugu
baaqayaan in Ciidamadeeda ay kala baxdo dalka Soomaaliya oo uu sheegay
in uu soo maray marxalado kala duwan, wuxuuna tilmaamay in lagama
maarmaan ay tahay in Ciidamadaasi ay si shuruud la’aan ah ugu baxaan
Soomaaliya.
Soo
galitaanka Ciidamada Kenya ee gudaha Soomaaliya ayaa waxaa siyaabo kala
duwan uga hadlay Mas’uuliyiin iyo qeybaha kala duwan ee bulshada,
iyadoo Madaxweynaha dowladda KMG Soomaaliya uu sheegay in shacabka iyo
dowladda marna uusan raali ka noqon doonin Ciidamada Kenya ee gudaha usoo galay Soomaaliya.
Aqriso oo la soco Shabelle.net Saacad Walba si aad u hesho wararkii ugu dambeeyay ee Soomaaliya.
NALA SOO XARIIR webmaster@shabelle.net
No comments:
Post a Comment